कपिलवस्तु, चैत्र १९
नेकपा (एकीकृत समाजवादी( कपिलवस्तुले जिल्लाका ९ पालिकामा कमिटी गठन गर्न सफल भएको छ । १० पालिका रहेको कपिलवस्तुमा ९ पालिकामा समाजवादी कपिलवस्तुले कमिटी गठन गर्न सफल भएको हो ।
जिल्लाको दक्षिणी क्षेत्रमा रहेको यशोधरा गाउँपालिकामा सराखत अली संयोजक र सह संयोजक योगेश त्रिपाठी रहने गरि कमिटी गठन भए सङ्गै जिल्लामा ९ पालिकामा समाजवादीले पार्टी बिस्तार गर्न सफल भएको पार्टीका जिल्ला उपाध्यक्ष गीता अन्जानले जानकारी दिनुभयो ।
एमालेबाट बिद्रोह गरि गएको भदौ महिनामा स्थापना भएको एकीकृत समाजवादी कपिलवस्तुले छोटो समयमा नै सबै पालिका गठन गर्न सफल भएको हो ।
जिल्लाको महाराजगन्ज नगरपालिकामा मात्र पार्टी गठन नभएको पार्टीका जिल्ला इन्चार्ज समेत रहनुभएका केन्द्रिय सदस्य क्षेत्र बहादुर खत्रीले जानकारी दिनुभयो । अबका केहि दिनमै महाराजगन्जमा पनि कमिटी गठन गर्ने योजना रहेको जिल्ला इन्चार्ज खत्रीले जनाउनुभयो ।
तत्कालीन एमाले हुँदा जिल्लाको दक्षिणी क्षेत्र कमजोर रहे पनि एकीकृत समाजवादी दक्षिण भेगमा नागरिकको आकर्षणको केन्द्र बिन्दु बनेको छ । ०७४ सालको स्थानीय चुनावमा १० मध्ये २ पालिका मात्र जितेको एमाले अन्य दलको तुलनामा यहाँ कमजोर हो । यद्यपि राजमार्ग क्षेत्रमा एमाले स्थापित भए पनि यहाँ पार्टी फुटको असर परेको छ ।
जिल्लामा समाजवादी प्रती जनताको आकर्षण बढी रहेको भन्दै बैशाख ३० को स्थानीय चुनावमा राम्रो प्रतिफल निकाल्ने खत्री बताउनुहुन्छ । मधेसी समुदायको बाहुल्यता रहेको जिल्लामा यहीँ समुदायको बिश्वास बढेको उहाँको भनाई छ ।
दिनहुँजसो मधेसी, मुस्लिम, थारु, महिला र दलित समुदायका नागरिकको आकर्षण एकीकृत समाजवादीको भएको भन्दै समाजवादी राज्य स्थापनाका लागि यसले थप हौसला थपेको उहाँले जनाउनुभयो ।
जिल्लामा आगामी चुनाव एकीकृत समाजवादीले एमालेले भन्दा बढी जनप्रतिनिधि जित्ने भन्दै अबको समृद्धिको नेतृत्व पनि आफ्नो पार्टीले गर्ने उहाँको दावी छ ।
सकिदै गरेको कम्युनिस्ट आन्दोलन बचाउन नयाँ पार्टी पुनर्गठन गर्नु परेको भन्दै संविधान बचाउदै ब्यवस्था टिकाउन गठबन्धन गर्नु परेको उहाँले प्रष्ट पार्नुभयो । जिल्लामा ५ दलिय गठबन्धन बीच चुनावी तालमेल हुन सक्ने र यसका लागि छलफल अगाडी बढेको उहाँले बताउनुभयो ।
साथै कपिलवस्तुका ९६ वडा मध्ये ५० बढीमा वडा कमिटी गठन भएको एकीकृत समाजवादीको जिल्ला प्रचार बिभागले जनाएको छ ।
-1732011400.jpeg)
-1731919476.jpg)
-1731916640.jpeg)
-1731915639.jpg)