काभ्रेपलान्चोक । नेकपा ( एकीकृत समाजवादी ) धुलिखेल नगर कमिटी वडा नम्बर ५ को अधिवेशन सम्पन्न भएको छ। शनिबार धुलिखेल ५ नम्बर वडामा एक कार्यक्रमका बीच अधिवेशन सम्पन्न भएको हो।
अधिवेशनले अम्बिका सिम्खडाको अध्यक्षतामा १५ सदस्यीय कमिटी सर्वसम्मत निर्वाचित गरिएको छ । कमिटीको उपाध्यक्षमा सुवसना प्रधानाङ्ग , सचिवमा पार्वती थापा , उप(सचिवमा श्याम प्रकाश प्रधानाङ्ग रहनु भएको छ भने सदस्यहरुमा अन्नपूर्ण राजभण्डारी, नवराज थापामगर, तारा हुमागाँई, सविना थापामगर, ओम प्रकाश प्रधानाङ्ग, कुमारी माया दोङ, सिर्जना घिमिरे, शंकर के.सी.,भिम प्रकाश घिमिरे, सीता तिमल्सिना, शोभा माया दोङ निर्वाचित हुनु भएको छ ।
साथै अधिवेशनले नेपाल कम्युनिष्ट पार्टी एकीकृत समाजवादी अखिल नेपाल राष्ट्रिय यातायात स्वतन्त्र मजदुर संगठन पनि गठन गरेको छ। मजदुर संगठनको संयोजक सविन मगर सदस्यमा विकास बजगाँई ,प्रकाश मगर , राज मगर , निकेश श्रेष्ठ हुनु हुन्छ।
जिल्ला कमिटी सचिवालय सदस्य तथा कार्यालय सचिव हरि गोपाल प्रधानाङ्गको प्रमुख आतिथ्यमा सम्पन्न अधिवेशनमा जिल्ला सचिवालय सदस्य तथा धुलिखेल नगर अध्यक्ष दया सागर श्रेष्ठ र जिल्ला सचिवालय सदस्य तथा जिल्ला वारका अध्यक्ष विष्णुप्रसाद सापकोटा विषेश अतिथिको रुपमा उपस्थित रहनु भएको थियो ।
कार्यक्रममा जिल्ला सचिवालय सदस्य टीका प्रसाद हुमागाईले स्वागत मन्तव्य राख्नु भएको थियोे । साथै कार्यक्रममा उपस्थित वक्ताहरूले नवनिर्वाचित पदाधिकारीहरुलाई कार्यकालको सफलताको शुभकामना दिनु भएको थियो ।
आजै बसेको नवनिर्वाचित पदाधिकारीहरुको बैठकले विभिन्न निर्णय गरेको छ। बैठकले श्रम ,रोजगार तथा यातायात मन्त्री लक्ष्मण लम्साललाई बधाई तथा शुभकामना दिनुका साथै धुलिखेल ५ नम्बर वडामा विभिन्न विकासका योजनाका लागि पहल गर्ने र आगामी दिनमा हुन गइरहेको नगर अधिवेशनमा सकृयसहभागीता जनाउने निर्णय गरेको छ।
