आन्दोलनको घोषणा गरेपछि हाजिर गराइयो पशुपति क्षेत्र विकास कोषका श्रमिकलाई

प्रमुख समाचार

गृहपृष्ठ
प्रमुख समाचार
आन्दोलनको घोषणा गरेपछि हाजिर गराइयो पशुपति क्षेत्र विकास कोषका श्रमिकलाई

आन्दोलनको घोषणा गरेपछि हाजिर गराइयो पशुपति क्षेत्र विकास कोषका श्रमिकलाई

शुक्रबार, जेठ १९, २०८०kalamnews

काठमाण्डौ । पशुपति क्षेत्र विकास कोष प्रशासनले फरक राजनीतिक आस्थाका आधारमा निलम्बन गरेका श्रमिकलाई हाजिर गराएको छ ।

फरक राजनैतिक आस्थाका आधारमा निलम्बन गरि जागिरबाट हटाउने षड्यन्त्रको बिरूध्द एकीकृत ट्रेड युनियन महासंघ नेपाल र पशुपति क्षेत्र विकास कोष कर्मचारी संगठन नेपालले आन्दोलनको घोषणा गरेपछि श्रमिकलाई हाजिर गराएको हो । आस्थाका आधारमा निलम्बन गरि जागिरबाट हटाउने षड्यन्त्रको बिरूध्द एकीकृत ट्रेड युनियन महासंघ , नेपाल र पशुपति क्षेत्र विकास कोष कर्मचारी संगठन नेपालले आजबाट पशुपति कोष घेराउको कार्यक्रम सार्वजनिक गरेसँगै कोषले श्रमिकहरूलाई हाजिर गराएको हो ।

श्रमिकको हाजिरी खुलेसँगै आजबाट गरिने भनिएको कोष घेराउ कार्यक्रम र कार्यालय बन्द कार्यक्रम स्थगित गरेको आन्दोलनरत श्रमिकहरूले बताएका छन् ।

आन्दोलनरत पक्षले पशुपति क्षेत्र विकास कोष जस्तो धार्मिक संस्थालाई निजी कम्पनी जसरी संचालन गरिरहेका गिरोहको अधर्मी हर्कत बिरूद्धको अभियान भने निरन्तर संचालन रहने बताएको छ ।

पशुपति क्षेत्र विकास कोषमा भएको अनियमितता ( जलहरी सुन काण्ड , घ्यम्पो काण्ड र जग्गा काण्ड ) भ्रष्टाचार , मनोमानी कर्मचारी नियुक्ति ( आफन्त भर्ती केन्द्र ) , श्रमिक माथिको विभेद लगायतका विषयमा थप छलफल गरि आन्दोलनको कार्यक्रम तय गरिने आन्दोलनरत पक्षले बताएको छ ।

प्रकाशित मिति: शुक्रबार, जेठ १९, २०८० १४:११

प्रतिक्रिया दिनुहोस्