एकीकृत समाजवादी पर्वतको बैठकमा ,संगठन सुदृढीकरण अभियानको समीक्षा

प्रमुख समाचार

गृहपृष्ठ
प्रमुख समाचार
एकीकृत समाजवादी पर्वतको बैठकमा ,संगठन सुदृढीकरण अभियानको समीक्षा

एकीकृत समाजवादी पर्वतको बैठकमा ,संगठन सुदृढीकरण अभियानको समीक्षा

सोमबार, चैत २७, २०७९kalamnews

पर्वत । संगठन सुदृढीकरण अभियानको समीक्षा गर्दै नेकपा ( एकीकृत समाजवादी ) पर्वतको पदाधिकारी बैठक सम्पन्न भएको छ । पर्वतको कुश्मामा सम्पन्न बैठकमा पार्टीले सञ्चालन गरेको पार्टी संगठन सुदृढीकरण अभियानका विषयमा समीक्षा गरिएको छ ।

बैठकमा ७ बाटै पालिकामा पार्टी संगठनको अवस्था र भावी योजनाको बारेमा छलफल र समीक्षा गरिएको थियो ।
नेकपा एकीकृत समाजवादी गण्डकी प्रदेश कमिटी उपाध्यक्ष प्रेम नारायण पौडेलले नेपालको राजनीतिमा नेकपा एकीकृत समाजवादी समय परिस्थिति अनुसार देश विकासमा लाग्ने सशक्त पार्टी भएको बताउनुभयो । अहिलेको राजनीतिक घटनाक्रममा पार्टी सही बाटोमा सकारात्मक कार्यमा अग्रसर भएको उहाँले बताउनुभयो ।

नीति, विधि र सिद्धान्तमा अडिग भएर जनमुखी कार्य गर्न पार्टी क्रियाशील भएको बताउदैन सबै नेता कार्यकर्ता आफ्नो ठाउँको विकासमा जोड दिने कार्य गर्न आग्रह गर्नुभयो । बैठकमा नेकपा एकीकृत समाजवादी केन्द्रीय कमिटी सदस्य तथा पर्वत जिल्ला इन्चार्ज मोती प्रसाद पौडेलले विभिन्न चुनौतीका बाबजुद पनि पार्टी संगठन बिस्तार गर्दै जनमुखी कार्यमा जोड दिएको बताउनुभयो । पार्टीलाई सशक्त र चलायमान गराउन सक्रिय रहँदै आ आफ्नो भूमिका निर्वाह गर्न सबैलाई आग्रह गर्नुभयो ।

जिल्ला कमिटी अध्यक्ष ठाकुर शर्मा पौडेलले पालिका तथा वडा स्तरमा गठित कमिटीको अद्यावधिक र कमिटी गठन नभएका ठाउँमा कमिटी निर्माणमा जोड दिएको बताउनुभयो । संगठन सुदृढीकरण अभियानमा खटिएका सहजकर्ता, समन्वयकर्ता र नेताहरूलाई धन्यवाद दिदै थप सक्रियताका साथ पार्टी गतिविधिमा लाग्न अनुरोध गर्नुभयो ।

पार्टीका सचिव बिराज हमालले पार्टीले देश र जनताको हितमा निस्वार्थ कार्य गरेको बताउँदै सबै कार्यकर्तालाई अविचलित पार्टीका कार्यमा लाग्न आग्रह गर्नुभयो । सच्चा र इमानदार नेता कार्यकर्ता क्रमशः एकीकृत समाजवादीमा समाहित भएको उहाँले बताउनुभयो । जिल्लाको विकास र समृद्धिका लागि प्रदेश र केन्द्र सरकारसँग विभिन्न योजना माग गरि कार्यान्वयनमा जोड दिने हमालले बताउनुभयो ।

प्रकाशित मिति: सोमबार, चैत २७, २०७९ ११:१७

प्रतिक्रिया दिनुहोस्