काठमाडौं । नेकपा एकीकृतसमाजवादी का अध्यक्ष माधवकुमार नेपालले ‘कहाली लाग्दो अर्थतन्त्र’ सुधारको गीत मात्र नगाउन सरकारलाई आग्रह गर्नुभएको छ ।
प्रधानमन्त्री पुष्पकमल दाहाल प्रचण्डलाई विश्वासको मत दिने क्रममा संसद्मा बोल्दै अध्यक्ष नेपालले आयात रोकेर मात्र अर्थतन्त्र सुधार नहुँने बताउनुभएको छ ।
‘हाम्रो निर्यात ९ प्रतिशत छ भने आयात ९१ प्रतिशत छ । आयात र निर्यातको खाडललाई कसरी कम गर्ने रु अहिलेको मूल चुनौति यही हो’ अध्यक्ष नेपालले भन्नुभयो ‘विदेशी मुद्रा संचितिकरण गर्न आयात रोकिएको होला । आयात रोकेर मात्र अर्थतन्त्रको सुधार हुँदैन । विकास र रोजगारले अर्थतन्त्र बलियो हुन्छ ।’
अध्यक्ष नेपालले बैंक तथा लघुवित्तको विकराल समस्यालाई समयमा सुल्झाउन सरकारसँग आग्रह गर्नुभएको छ ।
गठबन्धन टिक्ने या भत्किने दल र नेताको चरित्रमा भरपर्छ
अध्यक्ष नेपालले वर्तमान सरकार टिक्ने या भत्किने वर्तमान गठबन्धनका दलहरुको चरित्रमा भरपर्ने बताउनुभएको छ । ‘नेता र दलहरुकोव्यवहारलेछिटो-छिटो गठबन्धन बन्ने र भत्किने गरेको छ, यो गठबन्धनको भविश्य पनिव्यवहारमै निर्भर छ’ अध्यक्ष नेपालले भन्नुभयो ‘बैशाखमै फेरी विश्वासको मत लिने अवस्थासिर्जना नहोस् ।
गठबन्धनको दृष्टिकोण स्पष्ट भए पाँच वर्ष टिक्ने दावी अध्यक्ष नेपालले गर्नुभएको छ । ‘यो गठबन्धनको दृष्टिकोण स्पष्ट छ, त्यही भएर पाँच वर्ष टिक्छ ।’ विगतमा दृष्टिकोणखराब हुँदा दुईतिहाइको सरकार पनि ढलेको उदाहरण दिनुभयो । दुई तिहाइको सरकार जनता र संविधानका पक्षमा उभिने नसक्ने पछि ढलेको बताउनुभयो ।
अध्यक्ष नेपालले वैदेशिक रोजगारमा रहेका नेपाली दाजु भाईका समस्यामा अनुदार नहुँन सरकारलाई आग्रह गर्नुभएको छ । ‘कतिपय जेलमा हुनुहुन्छ, कतिपय सडकमा नारकीय जीवन विताइ रहनुभएको छ, उहाँहरुको समयमा उद्धार गर्न म सरकारलाई आग्रह गर्दछु’ अध्यक्ष नेपालले भन्नुभयो ।
-1732011400.jpeg)
-1731919476.jpg)