एकीकृत समाजवादी कर्णालीको ३ दिने प्रशिक्षण सुरु

प्रमुख समाचार

गृहपृष्ठ
प्रमुख समाचार
एकीकृत समाजवादी कर्णालीको ३ दिने प्रशिक्षण सुरु

एकीकृत समाजवादी कर्णालीको ३ दिने प्रशिक्षण सुरु

आइतबार, फागुन १४, २०७९ kalamnews

कर्णाली । नेकपा ( एकीकृत समाजवादी ) कर्णाली पार्टी स्कुल विभागको आयोजनामा ३ दिने प्रशिक्षण भइरहेको छ । पहिलो दिनको प्रशिक्षणको उद्घाटनमा पार्टी पोलिटब्युरो सदस्य तथा कर्णाली पार्टी स्कुल विभाग प्रमुख शेर बहादुर के.सी.को अध्यक्षतामा कार्यक्रममा सम्पन्न भयो । प्रशिक्षणमा कर्णाली प्रदेश अन्तर्गतका जिल्लाहरूका नेताहरूको सहभागिता छ ।

शनिबार बाट सुरु भएको प्रशिक्षण कार्यक्रम सोमबार सकिने पार्टीका केन्द्रीय सदस्य तथा स्कुल विभागका सचिव अशेष घिमिरेले बताउनु भयो । प्रशिक्षणको पहिलो दिन दक्षिणपन्थी अवसरवाद विरुद्ध विद्रोह विषयमा उपाध्यक्ष एवं पार्टी स्कुल विभाग प्रमुख प्रमेश हमालले प्रशिक्षण गर्नु भएको थियो भने पुँजीवादी विश्व व्यवस्था र समाजवादी संघर्षः पार्टी केन्द्रीय कमिटी सदस्य तथा पार्टी स्कुल विभाग सचिव अशेष घिमिरेले गर्नु भएको थियो । सहभागीहरूलाई समुह विभाजन गरी सहभागि गराइएको थियो ।

कार्यक्रमको दोस्रो दिन आज नेपाली विशेषताको समाजवादः उपमहासचिव डा. विजय कुमार पौडेल, नेपालमा जनवादी क्रान्ति र अबको बाटोः सम्मानित नेता झलनाथ खनालले सहजिकरण गर्नु भएको छ भने पार्टीका महत्वपूर्ण दस्तावेजहरूसँग समुह विभाजन गरी ग्रुप रिडिङ भएको छ । यस्तै तेस्रो दिन सोमबार नेपालको कम्युनिस्ट आन्दोलनको विगत र वर्तमानः उपमहासचिव तथा कर्णाली प्रदेश इन्चार्ज प्रकाश ज्वाला , समाजवादी कार्यदिशाबारेः सचिवालय सदस्य घनश्याम भुसाल, समसामयिक राजनीतिक परिस्थितिः अध्यक्ष माधव कुमार नेपालले सहजिकरण गर्नुहुने कार्यक्रम तय भएको छ ।

प्रकाशित मिति: आइतबार, फागुन १४, २०७९ १५:४२

प्रतिक्रिया दिनुहोस्