एकीकृत समाजवादीका अध्यक्ष नेपालद्वारा विमान दुर्घटनाप्रति दुख व्यक्त

प्रमुख समाचार

गृहपृष्ठ
प्रमुख समाचार
एकीकृत समाजवादीका अध्यक्ष नेपालद्वारा विमान दुर्घटनाप्रति दुख व्यक्त

एकीकृत समाजवादीका अध्यक्ष नेपालद्वारा विमान दुर्घटनाप्रति दुख व्यक्त

आइतबार, माघ १, २०७९ kalamnews

काठमाडौं । नेकपा एकीकृत समाजवादीका अध्यक्ष माधव कुमार नेपालले आइतबार पोखरामा भएको यति एयरलाइन्सको विमान दुर्घटनाप्रति दुख व्यक्त गर्नुभएको छ ।

उहाँले सामाजिक सञ्जाल मार्फत चालक दल सहित ७२ जना सवार यति एयरको विमान सेती खोँच पोखरामा दुर्घटना ग्रस्त भएको घटना प्रति दुख व्यक्त गर्नुभएको हो । घटनाले आफूलाई स्तब्ध बनाएको भन्दै दुर्घटनामा निधन हुनु हुने स्वदेशी तथा विदेशी सबै प्रति भावपूर्ण श्रद्धाञ्जली अर्पण गर्दै शोक सन्तप्त परिवारजनप्रति गहिरो समवेदना प्रकट गर्दछु भन्नुभएको छ । विमान दुर्घटनाको बारेमा प्रभावकारी उद्धारका गर्नका लागि उहाँले सरकारसँग आग्रह समेत गर्नुभएको छ।

पटक पटकका हवाई दुर्घटनाबाट नेपाली आकाश असुरक्षित भएको सन्देश विश्वसमुदायमा जानु हाम्रो जस्तो पर्यटनको सम्भावना भएको मुलुकका लागि चिन्ताको विषय हो । भर्खरै मात्र नयॅा विमानस्थलको निर्माण कार्य सम्पन भई उडान शुभारम्भ भएको र पर्यटक राजधानीको रूपमा रहेको पोखरामा नै भएको यस दुर्घटनाले केवल हवाई क्षेत्रमात्र होइन सिंगो पर्यटन क्षेत्रमा नकारात्मक प्रभाव पर्न गई हाम्रो मुलुकले अवलम्बन गरेको समृद्धि र समाजवादको लक्ष्य प्राप्तिलाई समेत नकारात्मक रूपमा प्रभावित पार्नसक्छ उहाँले लेख्नुभएको छ ।

दुर्घटनाको वास्तविक कारण यथासम्भव छिटो पत्ता लगाई सार्वजनिक गर्दै नेपाली हवाई आकाशलाई सुरक्षित बनाउन दुनियाँले देख्ने र बुझ्नेगरि प्रभावकारी कदम चाल्न समेत नेपाल सरकार एवम् सम्बद्ध अधिकारीहरूको गम्भीर ध्यानाकर्षण गराउँछु नेपालले सामाजिक सञ्जालमा भन्नुभएको छ ।

पोखरामा दुर्घटना भएको यति एयरलाइन्सको विमानमा १५ विदेशी सहित ६८ जना नेपाली यात्रु रहेको खुलेको छ । ७२ सिट क्षमता भएको विमानमा ४ जना चालक दलका सदस्यहरू रहेका थिए ।