काठमाडौँ। नेकपा (एकीकृत समाजवादी), धनुषा क्षेत्र नं ४ अन्तर्गत क्षिरेश्वरनाथ नगरपालिकाको नगर अधिवेशन भव्यताका साथ सम्पन्न भएको छ।
उक्त अधिवेशनले अध्यक्षमा विनोद कुमार यादव, उपाध्यक्षद्वय रामकुमार महतो, हिरादेवी सिंह, सचिवमा अरुण मुखिया र उप सचिवमा रामप्रकाश यादव रहनु भएको ३३ सदस्य नगर कमिटी चयन गरेकोछ।
उक्त अधिवेशनको उद्घाटन सत्रलाई पार्टीका स्थायी कमिटी सदस्यद्वय कमरेड रामचन्द्र झा, शत्रुधन महतो, केन्द्रीय कमिटीका सदस्य प्रेममाया श्रेष्ठ, केन्द्रीय लेखा कमिटीका सदस्य रामबाबु यादव, प्रदेश कमिटी सदस्य पल्टु पण्डित, जिल्जा कमिटीका अध्यक्ष रामचन्द्र पण्डित, जिल्ला कमिटी उपाध्यक्ष कमरेड हरी प्रसाद पौडेलको उपस्थिति रहेको थियो।
त्यस्तै नेपाली कांग्रेसका प्रतिनिधि दिनेश प्रसाद महतो, जिल्ला कमिटीका सदस्यहरु हिरा देवी सिंह, सत्य नारायण यादव,कमरेड रामप्रसाद महतो, सन्तोष मरीक, मिथिला नगरपालिकाका नगर कमिटी अध्यक्ष धर्म बहादुर बुलन, युवा नेता विनोद कुमार यादव, बटेश्वर गाउँपालिकाका गाउँ कमिटी अध्यक्ष कालीबहादुर थिङ तथा जिल्ला कमिटीका सदस्य एवं पार्टीको तर्फबाट क्षीरेश्वरनाथ नगरपालिकाको नगर प्रमुख पदका प्रत्याशी शिव शंकर प्रसाद सिंहलगायतका वक्ताहरुले सम्बोधन गर्नु भएको थियो।
अधिवेशन नगर कमिटीको अध्यक्ष श्याम किशोर यादवको अध्यक्षतामा सम्पन्न भएको थियो भने नव निर्वाचित नगर कमिटीका पदाधिकारी तथा सदस्यहरूलाई पार्टीका स्थायी कमिटीका सदस्य रामचन्द्र झाले सपथ ग्रहण गराउनुभएको थियो।
-1743592998.jpg)
-1743590411.jpg)
