एकीकृत समाजवादीले भन्यो, ‘पूर्वराजा शाह टिकट काटेर नारायणहिटी घुम्न पाउँछन्’

प्रमुख समाचार

गृहपृष्ठ
प्रमुख समाचार
एकीकृत समाजवादीले भन्यो, ‘पूर्वराजा शाह टिकट काटेर नारायणहिटी घुम्न पाउँछन्’

एकीकृत समाजवादीले भन्यो, ‘पूर्वराजा शाह टिकट काटेर नारायणहिटी घुम्न पाउँछन्’

सोमबार, चैत ४, २०८१kalamnews

काठमाडौँ। नेकपा (एकीकृत समाजवादी) ले समाजवादी मोर्चाले गर्न लागेको विरोधसहितको जनसभामा हजारौँलाई उतार्ने जनाएको छ।

पार्टी कार्यालय आलोकनगरमा सोमबार बसेको समाजवादीको स्थायी कमिटी बैठकले चैत १५ गते काठमाडौँमा समाजवादी मोर्चाले आयोजना गरेको विरोधसभालाई सफल बनाउन हजारौँलाई उतार्ने सहितको योजनाका साथ अघि बढ्ने निर्णय गरेको हो।

राजसंस्थाका विषयमा गरिएको कुप्रचारलाई चिर्दै जनतालाई सडकमा उतार्ने प्रयास गर्ने उपाध्यक्ष जगन्नाथ खतिवडाले जानकारी दिनुभयो। बैठकपछि सञ्चारकर्मीहरुसँगको कुराकानिमा राजावादीको प्रदर्शनले दलहरू नडराएको भन्दै गणतन्त्र पक्षधरहरूले जनताको चेतना देखाउनका लागि प्रदर्शन गर्न लागिएको जानकारी दिनुभयो।

उपाध्यक्ष खतिवडाले पूर्वराजा ज्ञानेन्द्र शाह नारायणहिटीमा टिकट काटेर पस्न पाउने भन्दै राजतन्त्र फर्किने सम्भावना नभएको टिप्पणी गर्नुभयो। उहाँले भन्नुभयो, 'राजतन्त्र फर्किने कुनै सम्भावना छैन। बरु पूर्वराजालाई मेरो सुझाव छ, दरबार टिकट काटेर घुम्न जानुहोस्। त्यत्ति चाँहि पाइन्छ।'

प्रकाशित मिति: सोमबार, चैत ४, २०८१ २०:००

प्रतिक्रिया दिनुहोस्