अमेरिकालाई सुपर ओभरमा हराउँदै नेपालले जित्यो टि-२० सिरिज

खेलकुद

गृहपृष्ठ
खेलकुद
अमेरिकालाई सुपर ओभरमा हराउँदै नेपालले जित्यो टि-२० सिरिज

अमेरिकालाई सुपर ओभरमा हराउँदै नेपालले जित्यो टि-२० सिरिज

आइतबार, कात्तिक ४, २०८१ kalamnews

काठमाडौँ। नेपालले एक खेलअगावै अमेरिकाविरुद्धको टी-२० सिरिजको उपाधि जितेको छ।

सोमपाल कामी नायक बनेपछि नेपालले आइतबार बिहान भएको दोस्रो टी-२० खेलमा अमेरिकालाई सुपर ओभरमा पराजित गरेको छ। डलासमा भएको खेलको अन्तिम ओभर र सुपर ओभरमा तिव्र गतिका बलर सोमपाल कामीले उत्कृष्ट प्रदर्शन गर्दै नेपाललाई जिताउन महत्वपूर्ण भूमिका खेले।

सुपर ओभरमा अमेरिकामाथि रोमाञ्चक जितपछि नेपालले तीन खेलको सिरिजमा २-० को अग्रतासहित एक खेलअगावै सिरिज आफ्नो पोल्टामा पारेको छ।

निर्धारित २० ओभरमा नेपाल र र अमेरिकाले समान रन बनाएपछि खेल सुपर ओभरमा पुगेको थियो । सुपर ओभरमा पहिले ब्याटिङ गरेको अमेरिकाले दुई विकेट गुमाएर जम्मा २ रन मात्र बनाउन सक्यो। सोमपाल कामीले उत्कृष्ट बलिङ गर्दै सुपर ओभरमा २ विकेट लिए।

त्यसपछि कप्तान रोहित कुमार पौडेल र कुशल भुर्तेलले सुपर ३ रन बनाउँदै सुपर ओभरमा नेपाललाई जित दिलाए। खेलमा टस जितेर पहिले ब्याटिङ गरेको नेपालले नेपालले २० ओभरमा ६ विकेटको क्षतीमा १७० रन बनाएको थियो। १७१ रनको लक्ष्य पछ्याएको अमेरिकाले पनि २० ओभरमा ८ विकेटको क्षतिमा १७० रन बनाएपछि खेल सुपर ओभरमा पुगेको हो।

नेपालका लागि कुशल भुर्तेलले अविजित रहँदै सर्वाधिक ९२ रन बनाएका थिए। उनी प्लेअर अफ दि म्याच बने। अमेरिकाका लागि आन्द्रे गौसले ६२ रन बनाए।

प्रकाशित मिति: आइतबार, कात्तिक ४, २०८१ ११:२७

प्रतिक्रिया दिनुहोस्