स्थानीय तह निर्वाचनको ८० प्रतिशत मत परिणाम आइसक्यो -निर्वाचन आयोग

प्रमुख समाचार

गृहपृष्ठ
प्रमुख समाचार
स्थानीय तह निर्वाचनको ८० प्रतिशत मत परिणाम आइसक्यो -निर्वाचन आयोग

स्थानीय तह निर्वाचनको ८० प्रतिशत मत परिणाम आइसक्यो -निर्वाचन आयोग

बिहीबार, जेठ ५, २०७९ kalamnews

काठमाडौं,जेठ ५
निर्वाचन आयोगले स्थानीय तह निर्वाचनको परिणाम ८० प्रतिशत आइसकेको जनाएको छ । बिहीबार नियमित पत्रकार सम्मेलनमा आयोगका प्रवक्ता शालिग्राम शर्मा पौडेलले ७ सय ५३ मध्ये ५ सय ७० स्थानीय तहको पूर्ण नतिजा आइसकेको जानकारी दिनुभएको छ ।

पत्रकार सम्मेलनमाउहाँले भन्नुभो ‘अहिलेसम्म ५ सय ७० स्थानीय तहको पूर्ण परिणाम आएको छ । एक सय ७४ नगर प्रमुख÷उपप्रमुख, ३ सय ९६ गाउँपालिका अध्यक्ष उपाध्यक्ष निर्वाचित भइसक्नुभएको छ । ३५ हजार २ सय २१ जनप्रतिनिधिमध्ये २९ हजार ३ सय ३ जना निर्वाचित भइसक्नुभयो ।’

अव मतगणना बाँकी रहेका स्थानीय तहमा गणकको संख्या बढाएर जतिसक्दो चाँडो परिणाम सार्वजनिक गराउन आयोगले निर्वाचन अधिकृतहरुलाई निर्देशन दिएको उहाँले बताउनु भयो ।

जेठ ५ गतेभित्र निर्वाचन परिणाम सार्वजनिक गर्ने आयोगको लक्ष्य विभिन्न कारणले पूरा नभएको प्रवक्ता पौडेलले बताउनु भयो ।

प्रकाशित मिति: बिहीबार, जेठ ५, २०७९ १७:०१

प्रतिक्रिया दिनुहोस्