काठमाडौं । नेपाल कम्युनिष्ट पार्टी (एकीकृत समाजवादी) काठमाडौं जिल्ला कमिटीको सचिवालय बैठक लैनचौरमा सम्पन्न भएको छ ।
जिल्ला कमिटीका अध्यक्ष एलपी श्रेष्ठको अध्यक्षतामा सम्पन्न सो बैठकले काठमाडौंमा बसोबास भएका केन्द्रीय सदस्य एवं निकायका सदस्य र आयोगका सदस्यहरूसंग आउँदो ३० मंसिरमा अन्तरक्रिया कार्यक्रम गर्ने निर्णय गरेको छ ।
यसैगरी काठमाडौंमा बसोबास गर्ने केन्द्रीय परिषद एवं बागमती प्रदेश कमिटी सदस्य र बिभागका सदस्यहरूसंग ७ पुसमा र सम्पर्क मञ्चका पदाधिकारीसंग १४ पुसमा अन्तरक्रिया कार्यक्रम गर्ने निर्णय भएको एकीकृत समाजवादी काठमाडौंका प्रचार विभाग प्रमुख एवं प्रवक्ता कृतु भण्डारीले बताउनु भयो ।
यसैगरी क्षेत्रीय समन्वय कमिटीहरुको बैठक, काठमाडौं महानगर कमिटी, नगर कमिटीको, स्थानीय एवं संघीय जनप्रतिनिधि र निर्वाचनमा उम्मेदवार भएकाको बैठक गर्ने निर्णय भएको छ । यस्तै जिल्ला स्तरीय जबसका बैठक समेत बस्ने निर्णय भएको छ । बैठकमा पार्टीका केन्द्रीय सदस्य तथा काठमाण्डौं जिल्ला कमिटीका सह-ईन्चार्ज कुसुम कुमार कार्कीले तयार पारेको नागरिकका एजेन्डा र आगामी कार्यभार बारे विशेष छलफल चलाउने निर्णय भएको छ ।
पार्टी सदस्यता नविकरण तथा बितरण अभियानको रुपमा अगाडी बढाउँनुका साथै जिल्ला स्थित समाजवादी मोर्चाको बैठक र एजेण्डाको बारेमा समेत बैठकमा छलफल भएको छ ।
बैठकमा पार्टीका उप-महासचिव तथा बागमति प्रदेशका ईन्चार्ज गंगालाल तुलाधर, स्थायी कमिटीका सदस्य तथा बागमति प्रदेश अध्यक्ष साबित्रा भुषाल, पोलिटब्युरो सदस्य एवं बागमति प्रदेश सभा सदस्य तथा काठमाण्डौं ईन्चार्ज वसन्त मानन्धर, सहइन्चार्ज एवं पोलिटव्यूरो सदस्य प्रभा बज्राचार्य, गोपाल बराल, टहल खड्का, केन्द्रीय सदस्यहरु कुसुम कुमार कार्की, मिना ज्ञावली, शिव कुमारी खनाल, गंभिरलाल श्रेष्ठ लगायतका नेताहरुको सहभागिता रहेको थियो ।
-1732011400.jpeg)
-1731919476.jpg)
-1731916640.jpeg)
-1731915639.jpg)