हेटौँडा, बैशाख २५
तीन दशक लामो राष्ट्रिय प्रजातन्त्र पार्टीको राजनीतिबाट राजीनामा दिएर स्वतन्त्र बस्नु भएका मकवानपुरका नेता मधु अधिकारी नेकपा (एकीकृत समाजवादी) मा प्रवेश गर्नु भएको छ ।
आइतबार पोखरा पुगेर अधिकारी समाजवादीमा प्रवेश हुनु भएको हो । उहाँलाई नेकपा (एकीकृत समाजवादी) पार्टीका अध्यक्ष माधवकुमार नेपालले टीका लगाएर स्वागत गर्नु भयो ।
‘राजनीति सहअस्तित्व र सहभागितात्मक हुनुपर्छ, कसैलाई काखापाखा र अन्याय गरिनेछैन, यही विभेदविरुद्ध एमालेमा विद्रोह गरेर नयाँ पार्टी स्थापना गरिएको अध्यक्ष नेपालले बताउनु भयो ।
पार्टी प्रवेशपछि अधिकारीले समाजवादी यात्रामा सक्रिय रहने बताउनु भयो । उहाँले राप्रपामा अझै पनि अवसरवाद, नातावाद र सामान्तवादको अभ्यास जारी रहेको र संगठनमा दिलोज्यान दिनेहरु अवसरबाट विमुख हुने क्रम अरु बढेकाले विद्रोह गरेको बताउनु भयो ।
२०२२ सालमा हेटौँडामै जन्मनु भएका अधिकारी २०४७ सालमा बहुदल स्थापनापछि कमल थापा नेतृत्वको राष्ट्रिय प्रजातन्त्र पार्टी मकवानपुर जिल्ला समितिको संस्थापक हुनुहुन्थ्यो ।
उहाँले हेटौँडा नगर अध्यक्ष, जिल्ला सचिव, उपसभापति, सभापति, बागमती प्रदेश उपाध्यक्ष, केन्द्रीय सदस्य, केन्द्रीय कार्यसम्पादन समिति सदस्यको भूमिकामा कार्य गरिसक्नु भएको छ ।
वडाध्यक्ष हुँदै हेटौँडाको मेयर पनि भइसक्नु भएका अधिकारीले सन १९८० मै सिंगापुरबाट ब्लाक बेल्ट लिनु भएको हो ।
पाँचवटा राष्ट्रिय खेलमा सहभागी अधिकारीले पार्टीको मुखपत्र हलो मासिकको सम्पादक भएर काम गर्नु भएको छ भने मकवानपुरको ५० को दशकमा पत्रकारिता पनि गर्नु भयो । उहाँले कोसेली साप्ताहिक र मकवानपुर सन्देश पत्रिका पनि सम्पादन तथा प्रकाशन गर्नु भएको थियो ।
यस्तै, राप्रपा मकवानपुरका प्रवक्ता विषभ अधिकारी पनि राप्रपा परित्याग गरी नेकपा (एकीकृत समाजवादी) मा प्रवेश गर्नु भएको छ ।
-1732011400.jpeg)
-1731919476.jpg)
-1731916640.jpeg)
-1731915639.jpg)