मेची महाकाली समाजवादी जागरण अभियानको बैठक काठमाण्डौमा

प्रमुख समाचार

गृहपृष्ठ
प्रमुख समाचार
मेची महाकाली समाजवादी जागरण अभियानको बैठक काठमाण्डौमा

मेची महाकाली समाजवादी जागरण अभियानको बैठक काठमाण्डौमा

सोमबार, असोज १, २०८०kalamnews

काठमाडौं । नेकपा ( एकीकृत समाजवादी ) ले असोज १४ बाट सुरु गर्ने भनिएको मेची महाकाली समाजवादी जागरण अभियानको पहिलो बैठक सम्पन्न गरेको छ ।

नेकपा एकीकृत समाजवादीको सम्पर्क विशेष प्रदेश कमिटीको कार्यालय शान्तिनगरमा बसेको बैठकले अभियानका सन्दर्भमा गरिने कार्यविभाजन गर्नुका साथै अभियानलाई सफल पार्न विभिन्न उपसमितिहरू मार्फत जिम्मेवारी प्रदान गरेको छ ।
पार्टीका उपमहासचिव तथा मोर्चा फाँट इन्चार्ज डा. विजय पौडेको अध्यक्षतामा बसेको बैठकको प्रमुख आतिथ्यता पार्टीका महासचिव घनश्याम भुसालले गर्नुभएको थियो ।

पार्टीको हालै सम्पन्न केन्द्रीय कमिटीको बैठकले राष्ट्रिय समाजवादी जागरण यात्रा संचालन गर्ने निर्णय गरेको छ । पार्टी अध्यक्ष माधवकुमार नेपालको अध्यक्षतामा मूल आयोजक कमिटी गठन गरेको छ । पार्टी केन्द्रीय कमिटी, केन्द्रीय निकाय, सबै प्रदेशका सचिवालय सदस्य र जिल्लाका पदाधिकारी रहेको २००१ सदस्यीय केन्द्रीय स्तरको मूल आयोजक कमिटी गठन गरिएको पार्टीद्वारा हालै जारी अन्तर पार्टी निर्देशन (अपानी) मा उल्लेख छ ।

यसैगरी पार्टीका प्रदेश इञ्चार्जको अध्यक्षतामा सम्बन्धित प्रदेश कमिटी र जिल्ला कमिटी सदस्य रहेको प्रदेश स्तरीय आयोजक कमिटी गठन गरिएको छ । केन्द्रीय स्तरमा गठन गरिएको मूल आयोजक कमिटी र प्रदेशस्तरका आयोजक कमिटीका कमरेडहरूले आ-आफ्नो भूगोलमा पर्ने यात्रालाई व्यवस्थित बनाउने, बढीभन्दा बढी जनसहभागिता जुटाउने र मूल ब्यवस्थापन कमिटीलाई आवश्यक सहयोग गर्ने गरी योजना बनाई कार्यान्वयन गर्नुपर्ने उल्लेख गरिएको छ ।

अभियानलाई व्यवस्थित बनाउन राष्ट्रिय समाजवादी जागरण यात्रा मूल व्यवस्थापन कमिटी समेत गठन गरेको छ । यस यात्राको समग्र व्यवस्थापनका लागि तपसिल बमोजिम मूल व्यवस्थापन कमिटी गठन गरिएको छ ।

प्रकाशित मिति: सोमबार, असोज १, २०८० १६:०८

प्रतिक्रिया दिनुहोस्