सचिव झाँक्रीलाई युरोप, अमेरिका र ल्याटिन अमेरिकाको जिम्मेवारी

प्रमुख समाचार

गृहपृष्ठ
प्रमुख समाचार
सचिव झाँक्रीलाई युरोप, अमेरिका र ल्याटिन अमेरिकाको जिम्मेवारी

सचिव झाँक्रीलाई युरोप, अमेरिका र ल्याटिन अमेरिकाको जिम्मेवारी

शुक्रबार, भदौ २९, २०८० kalamnews

काठमाडौं । नेकपा ( एकीकृत समाजवादी ) ले सचिव रामकुमारी झाँक्रीलाई प्रवास विशेष प्रदेशको पार्टी कामको संयोजन तथा युरोप, अमेरिका र ल्याटिन अमेरिका इञ्चार्जको जिम्मेवारी दिएको छ । केन्द्रीय समिति बैठकले झाँक्रीलाई प्रवास विशेष प्रदेशको जिम्मेवारी दिएको हो ।

यसैगरी स्थायी कमिटी सदस्य श्रीप्रसाद साहलाई एसिया, अष्ट्रेलिया र अफ्रिका इञ्चार्ज तोकिएको छ। केन्द्रीय कमिटी सदस्य अशोक थापालाई भारत प्रवास इञ्चार्जको जिम्मेवारी दिइएको छ।

केन्द्रीय परिषद् सदस्य भीमबहादुर भण्डारी भारत प्रवास कमिटीको सहइञ्चार्ज बनेको अन्तरपार्टी निर्देशन ११ मार्फत् जानकारी गराइएको छ।

भदौ ५ देखि ७ गतेसम्म ललितपुरमा बसेको पार्टी केन्द्रीय कमिटीको छैटौं बैठक, भदौ १८ र २२ गते बसेको सचिवालयको ६५ औं र ६६ औं बैठकले गरेका विभिन्न निर्णयहरू सर्कुलर गर्दै एकीकृत समाजवादीले कार्यविभाजनबारे जानकारी गराएको हो।

प्रकाशित मिति: शुक्रबार, भदौ २९, २०८० ११:३७

प्रतिक्रिया दिनुहोस्