गुल्मी,बैशाख २०
मुसिकोट नगरपालिकाका उपप्रमुख पदका उम्मेदवार श्रीराम महतले मुसिकोटलाई कफिखेतीवाटै चिनाउने वताउनु भएको छ ।
निर्वाचन प्रचारप्रसार तथा घरदैलो कार्यक्रम गर्दै मुसिकोट नगरपालिका आपचौरमा पुगेका उपप्रमुख पदका उम्मेदवार महतले कफिखेतीले मुसिकोटको परिचय गराउने बताउनु भएको हो ।
कफिको उदगम स्थल गुल्मीको आपचौर भएर पनि कफिले यहाँको परिचय वनाउन नसकिएकोप्रति आफुलाई दुख लागेको भन्दै महतले मुसिकोटलाई कफिको नगरपालिकाले विश्वभर चिनाउने आफ्नो प्रतिवद्वता रहेको बताउनु भयो ।
ईलाम चियाको जिल्ला भनेर वर्षमा लाखौं पर्यटकहरु पुग्ने गरेको वताउदै मुसिकोट नगरपालिकालाई कफिको नगरपालिका रुपमा चिनाउदै आगामी ५ बर्षमा यहाँ पनि पर्यटकहरु भित्र्याउने गरि योजना वनाएर जानुपर्ने र मुसिकोटलाई कफिको नगरपालिका भनेर चिनाउने महतको भनाई रहेको थियो ।
उहाँले वैशाख ३० गते हुने स्थानीय निर्वाचनमा मुसिकोटमा साझा गठबन्धनका उम्मेदवारहरुको विजयीले मुसिकोटका जनताहरुको जिवनस्तर वदलिने दावी समेत गर्नुभयो ।
निर्वाचनमा प्रमुख पदमा रुख र उपप्रमुखमा आफुलाई कलम चिन्हमा मतदान गर्न महतले अपिल गर्नुभयो । चुनावी कार्यक्रममा नेपाल कम्युनिस्ट पार्टी एकीकृत समाजवादीका केन्द्रीय सचिव रामकुमारी झाँक्री,नेपाली काङ्ग्रेसका नेता चन्द्र भण्डारी लगायतका नेताहरू समेतको सहभागीता रहेको थियो ।
कार्यक्रममा बोल्दै सचिव झाँक्रीले काम नगर्ने गुल्मीका नेताका दिन सकिएको बताउनु भयो । कार्यक्रम वोल्दै झाँक्री र भण्डारीले चुनावी समयमा चिल्ला भाषण गर्नेका दिन अब गुल्मीमा सकिएकाले मुसिकोटको नगरप्रमुख हरिनारायण सापकोटा र उपप्रमुख श्रीराम महतको नेतृत्व रहेका काम गर्ने गठबन्धनका साझा उम्मेदवारहरू विजयी वनाउन स्थानीयहरुसगँ आग्रह गरेका थिए ।
-1732011400.jpeg)
-1731919476.jpg)
-1731916640.jpeg)
-1731915639.jpg)